حلمت اني حاطه حناء في شعري
 

السلام عليكم ورحمة الله وبركاته

بياناتي

عزباء

مقبله على اكمال دراستي الجامعيه

الحاله النفسيه نسيت بس اتوقع عادي

الحاله الماديه جيده

ما كنت افكر فيه قبل النوم لا أذكر

يوم الحلم قبل اربع او خمس ايام تقريبا مساء نمت الساعه 2 ونص تقريبا وصحيت الظهر


المنام


كنت جالسه على سرير اختي اللي اصغر مني -هند- وكانت هند واختي ريمه اللي اصغر منها جالسين حولي وانا كان في شعري حناء وكان كأنه قرّب يجف وبعدين فجأه تذكرت اني لابسه روب جديد -لا أملكه في الحقيقه-وقمت اطالع له اخاف لا يكون توسخ من الحناء بس الحمد لله مالقيت فيه شي ومسكت الحناء في شعري لقيته شبه جاف وكأني قلت في نفسي وقتها باقي شويه يخلص ويجف واتروش قمت قلت يمديني افسخ الروب قبل لا يتوسخ وقمت اشيله وكنت من تحته لابسه لبس ثاني لا أذكره بس كنت لابسه ولما كنت اطلعه من راسي جت اختي ريمه وضربتني على راسي -مزحا- براحة يدها ومسك الروب في شعري وقمت قلت انتبهي روبي لا يتوسخ لسه جديد وقمت اطالع له وهو لسه نصه بره ونصه لسه حول رقبتي اذا جا فيه شي من الحنا ولقيته الحمد لله مافيه شي وفجأه شفت اختي هند تحاول تطبع على لوحه المفاتيح حقت اللاب توب حقها بس ماكانت ترضى تطبع و كانت مكان الفاره ماهي زي الحقيقه كان لونها ابيض وقامت هي تحط اصابعها على الفاره-يعني تكتب من الفاره بدل لوحه المفاتيح- وكانت تقول الحين اوريكم كيف اخليه يطبع وكانت اطراف اصابعها فيها حناء وتوسخت الفاره من الحناء وكنت اطالع لها في دهشه وتعجب كيف توسخ فارتها !! انتهى او هذا ما أذكره من المنام


ارجوا منك التوضيح ماتفسير المنام لي ولأختي هند وأختي ريمه


بالتفصيييل

وأرجوا منك ان كان خيرا فعبريه أو اتركيه بارك الله فيك
جزاك الله خييييييييييييييييييييييرا