منتديات دريم كافيه - يموت الحلم بقلوب الاماني والدروب اشباه

يموت الحـلم بقلــوب الأماني والدروب اشبـاه
وحلمي يحتظر بين الدروب وينتظر موته

على درب الأمل طايح وهو بين الأسى ولآه
وركاب الرخى صارت تمر الدرب وتفـوته

يمـرونه مثــل لمحـــة ســـــراب لاح في مضـــماه
ركايبــهم مــع الجـــو الخــلي تقــول مفلـوته

لهـم في كالح الظـــلمى كــــلام واضــح معنـــاه
واذا بان السفر تأخذ كلام الليل وتشوته

وعذب الصوت لوغنى وردد بالخــلا مغناه
تجـاوبه الجبــــال الي تردد بالصـدى صــوته

وحيــد ولاصفـــالـه غيـرسرحان يجـرعــواه
ذبحـه الجـوع في عـز البراد ولا لـقى قـــوته

تودد لـه وقـرب لـه ومـن زوادته عشـــاه
رحم حـاله وعن برد الشتا غــطاه في كوتـــه

وصارت بينهم رفقه ومع درب الشقاخاواه
وفضفض له احاسيس بوسط الصدرمكبوته

وصار الذيب له حارس ويبرى له على يمناه
يونس طرقته وسط الدروب ويقتل سكوته

رفيق صــــارله اوفى من الي بحاجته خلاه
وقف مع صاحبه في شدته والنــــاس مبهوته

خوي الليل والغربة صديق وصادق معناه
حكاية بالوفا صارت بصدرالوقت منحوتة