- - - - - - -
www.dream-cafeh.net
- - - - - - -
في الصباح قامت ريم نشيطه تحس براحه غريبه قامت واخذت شور
وجلست تختار في ملابسها تبي شي محتشم بس للاسف مالقت فقررت تلبس فستانها يوم دخلتها وحطت ميك اب خفيف وتعطرت وبعدها بخرت جناحها ورتبته ثم طلعت ماشافت احد صاحي ردت وخذت عباتها الكتف لانها اخف من عباتها الراس في يدها للاحتياط
تزلت تحت وحتارت وين تروح ماتدل شي فقررت تطلع برى طلعت كان الجو روعه لبست عباتها عليها وحطت لثمه وطلعت صارت تمشي وسط الاشجار وبعد فتره شافها كلب ولانها غريبه لحقها ريم اول ما شافته متوجه ناحيتها صاحت وصارت تركض والكلب وراها
زياد كان صاحي وجالس في المطبخ يشرب قهوه لانه مانام الا ساعه بس من كثر التفكير سمع الصراخ برى طلع مع باب المطبخ الخارجي وشاف ريم تركض والكلب وراها ريم طاحت عنها للثمه وشعرها انتثر عليها وصار يتطاير مع الهواء من قوة ركضها
زياد وقف يطالع الموقف وهو يبتسم
ريم لما شافت زياد واقف قالت بصوت طفولي وهي مازالت تركض:قول لكلبكم يتركني
زياد ضحك بصوت عالي على كلامها
ريم وصلته وتدخلت المطبخ بسرعه وقفت وهي متعبه من كثر الركض
زياد طرد الكلب بعدين رد لها وقال ببتسامه:كان ودي معي كمره اصورك
ريم تتنفس بسرعه:يمه خوفني كلبكم
زياد قرب منها وحط يده على قلبها وقال بضحك:قلبك شوي ويطلع
ريم اضربته على يده وقالت:مستانس ادري كان ودك انه ياكلني عشان تفتك مني
زياد ضحك وقال:وش دراك
ريم تاخذ كاس بتشرب مويه:عيونك تقول انك منت طايقني
زياد اخذ دقايق يطالع فيها بعدين قال:انتي شي مفروض علي
ريم تجلس على الكرسي ودها تسمع منه كلمه تفرح قلبها وتحسسها بالامان
ريم وهي تطالع فيه قالت:ودي اتكلم معك بصراحه
زياد يجلس قدامها وحط وجهه بين كفوفه وقال :تكلمي
ريم بتردد:مادمت ماتبيني ليه اخذتني انا بالذات ليه مادورت وحده من عايلتكم
زياد ببتسامه:عشان ماتكون من مستوى اميره
ريم بكبرياء:بس انا ماني اقل من اميره
زياد بجد:اسمعيني يابنت الناس انا قلبي ملك لميره وبس وعيني ماتشوف غيرها يمكن تكوني جميله بس انا ماشوف جمالك لاني ماحبك ولا تعنين لي أي شي زواجي منك كان بغرض العيال يعني انتي عندي مجرد وسيله عشان اصير اب واذا تحقق الي ابيه بترك الخيار لك في البقاء معي او لا
ريم طالعت فيه بعدين قالت بغرور:وانا من الحين بختار الفراق
طلعت ريم من المطبخ وهي تداري جروحها
زياد تبعها بنظره حتى طلعت من المطبخ يحس انه ارتاح بعد ماتكلم معها بصراحه
ريم طلعت جناحها ونزلت عباتها وجلست على السرير تطالع في الفراغ ودموعها تنزل على خدها بكل هدوء
في الساعه عشر صحى كل الي في البيت
خالد يكلم ابوه:يبه ابي اتزوج
ابوزياد:يابوك البنت توها تدرس
خالد بصرار:حتى لو تدرس بتزوج في الاجازه وهذي اخر سنه
ابوفهد يبتسم:الحين فهد اكبر منك ماطلب الزواج وانت تبي تتزوج
خالد:فهد يمكن عنده عقد بس انا خالي من العقد
فهد يضربه بنظارته:انا فيني عقد
خالد ببتسامه:اكيد والا كنت تزوجت
فهد:مخلي الزواج لك
ابو زياد:هاه يامحمد وش رايك
ابوفهد:على خير مدامه مصر نزوجه
خالد شوي ويرقص من الفرح
زياد يضحك:مستانس الولد ترى بكره بتنغث منها ترى عليها لسان غير طبيعي
خالد ببتسامه:قابل فيها بكل عيوبها
فهد:هههههههههههه لا لولد منتهي
**
اميره قامت متأخر واخذت شور لبست تيور قصير ابيض مع بدي اسود وحذاء اسود عالي وحطت خلخال في رجلها وسوت ميك اب وجففت شعرها وتركته على ظهرها وحطت عطر وطلعت
اميره:صباح الخير
ام زياد وام فهد وام فيصل:وعليكم السلام
اميره تجلس:وين البنات
ام زياد:طلعو يتمشون
اميره اخذت توست وحشته جبن واخذت كاس شاي وقامت
ام زياد:وين رايح اجلسي افطري
اميره ببتسامه:هذا فطوري باخذه وروح للبنات
طلعت اميره من عند الحريم
ام فهد:الا وين ريم
ام زياد:والله ماشفتها بس زياد يقول انها قايمه من الصبح وافطرت معه
ام فيصل:والله اني اشك في كلامه
ام زياد:ليه
ام فيصل:مدري بس احسه مايعاملها زين
ام زياد:لا انشاء الله ولدي يعرف ربه ومستحيل يظلمها
***
زياد قام من عند الشباب لانه مواعد البنات يمشيهم وراح لهم وكانن جالسات تحت شجره يسولفن
زياد ببتسامه:السلام عليكم
الكل:وعليك السلام
هنادي بضحك:وش عندك جاي هناء
زياد:ابد جاي انفذ وعدي
البنات:وااااااااو بتمشينا
زياد يضحك:أي بمشيكن يالله بسرعه لسياره وقولو لغلا بعد
امير بفرح قالت لهنادي:وناسه ماذكر العله
هنادي ببتسامه:حتى لو ذاكرها ماهو قايل لها عشان عيونك
امير تبوس هنادي على خدها وقالت:ياحبي لك دايم معي
هنادي بمزح:نحن جنودك المخلصون
زياد يصد ناحيتهن:خلن الكلام بعدين لروح واخليكن
ركبن البنات السياره وكانت جيب لكزز وغلا معهن
راحو يتمشون برى المزرعه
اميره بترجي:زياد الله يخليك بسوق
زياد ببتسامه:انتي تامرين
نزل زياد وجت اميره مكانه وساقت
هنادي:ياويلك لو صدمتي فينا
اميره بدلع:لا حبيبتي انا متعوده اسوق لاتنسين اني كنت اسوق في الامارات
دانه بخوف:صراحه انا ماثق في مره تسوق احس انها ماتعرف
اميره بزعل:يعني انا مااعرف
دانه:لالا ماهو انتي يابوك لا تزعلين وتدعمين فينا
عبير ببرائه:حرام مااخذنا ريم
اميره ارفعت نظرها في عبير ونظراتها تلومها
زياد بهدوء:ريم نايمه
هنادي:خلها احسن تفكنا منها
زياد بصوت حاد:هنادي
اميره انقهرت منه وقالت:ليه ماهو عاجبك كلام هنادي
زياد يمسك يد اميره لانها عصبت:حبيبتي ماهو القصد بس تعرفين طبعي مااحب احد يتكلم في احد غايب
اميره تحاول تبتسم:ادري ياقلبي
دانه تغير الجو:اميره كنتي تسوقين في الامارات
اميره ببتسامه:اكيد لان كان عندي سياره اروح واجي فيها
دانه بضحك:طيب قولي الصدق ماعمرك دعمتي
اميره بقهر:دانه احد قاليلك تطفشيني
دانه:لا محد قالي
الكل ضحك علي كلام دانه واميره وبعد ساعتين قضوها في التمشيه ردو للمزرعه
دخلو في المزرعه ونزلو وهم مستانسين من الطلعه
زياد دخل الفله وتوجه لجناح ريم بيشوف هي وش تسوي دخل ومالقها في الصاله
دخل غرفت النوم حصلها نايمه وشعرها مغطي وجها قرب منها وجلس على السرير وشال شعرها عن وجها وكان وضح اثر الدموع على خدها
ريم قامت واول ماشافته ردت غمضت عيونها
زياد ببتسامه:اوف شكلي يخرع يعني
ريم:.........
زياد بلامبالاه قال:كيفك لاتردين بس جيت اشوفك حيه او ميته وطلع
ريم بصوت عالي قالت:يارب اموت وارتاح من العيشه معك
زياد ابتسم يوم سمع كلامها وكمل طريقه
مضى الوقت في المزرعه حلو الا على ريم الي كانت تطالع مع شباك غرفتها اميره وزياد جالسين برى
زياد كان لابس بنطلون اسود مع قميص ابيض وشعره يتحرك مع الهواء بشكل روعه
واميره لابسه فستان قصير وردي ومسويه ميك اب خفيف وشعرها يتمايل مع الهواء
اميره كانت تتكلم وزياد يطالع فيها بعشق وحب
ريم انزلت دموعها على خدها لانها اخذت واحد قلبه لغيرها تمنت لو هي الي مكان اميره وزياد لها وبس
قام زياد وقامت معه اميره وحط يده على خصرها وتوجهو الى داخل
ريم انزلت على ركبها في الارض من شدة الالم الي يعتصر قلبها وحبت تطلع من جناحا يمكن تلقى شي تتسلى فيه
كان زياد واميره طالعين جناحهم
ريم افتحت باب جناحها وتصادفت مع اميره وزياد بيدخلون جناحهم حبت تتسلى فيهم شوي زياد
ريم ببتسامة مكر:حبيبي جوعانه روح جيبلي اكل
زياد واميره صدو عليها
زياد رفع حاجبه وقال:نعم
ريم وهي مركيه ظهرها على الباب قالت بدلع مصتنع:اقول جوعانه واعرفك تحبني ومااهون عليك
اميره انقهرت من كلامها وقالت بغضب:حبك برص
ريم ببتسامه ساخره:اكيد لو يشوفني بيحبني من حلاتي ماهو مثل بعض الناس
اميره بقهر:زياد شوف وشلون تكلمني
ريم تقلد اميره:زياد شوف وشلون تكلمني
زياد قرب من ريم وقال بين اسنانه:انا وش قلتلك قبل مانجي
ريم ببتسامه:قلتلي انك تحبني وتموت فيني
زياد طالع في اميره بيتكلم لكن اميره ادخلت قبل يقول شي
ريم بسخريه:روح لها شكلك يكسر الخاطر
زياد مسكها مع يدها بقوه ودخلها الجناح وصك الباب
ريم بألم:فك يدي
زياد يزيد من قبضته:انا قلت احبك واموت فيك
ريم تضحك وتتألم:ليه انت ماقلت كذا
زياد بعصبيه:تستهبلين
ريم بألم:فك يدي واقولك وش قلتلي
زياد فك يدها وقال بعصبيه:ممكن اعرف ليه سويتي كذا
ريم ببتسامه:حبيت اتسلى فيكم
زياد بعصبيه:والله ان عتيها مره ثانيه
ريم تقاطعه وتكمل عنه بسخريه:لتشوفين شي عمرك ماشفتيه
زياد عطاها كف بقوه وقال:قلتلك عدلي اسلوبك معي
ريم بتحدي:ماراح اعدله يازياد
زياد طالع فيها بعدين طلع مايبي يجلس معها اكثر ياخاف يتهور ويذبحها
|