- - - - - - -
www.dream-cafeh.net
- - - - - - -
]
***************************
الكل بدأ يستعد لطلعه المزرعه بشوووووووووق
اللي راح تكون بكرة من الصبحح
غلا وهيا تنزل من على الدرج:رنا رنا وضمخ
رنا تطلع من المطبخ وفي يدها كاسة نسكافيه وتكلمها ببرود:خير وش تبين
غلا وهيا تكي على السلم:يابرودك اسمعي وين بوتي <<الله يكرمكم ويكرمنا
الأحمر مو شايفته
رنا وهيا تحرك يدها بملل من أختها اللي دوم مضيعها أغراضها:وش دراني قالو لك شغاله عندك أسألي مها
غلا هذي مها لين اللحين نايمه
نزلت أم تركي من فوق:وش فيكم انتم هواش من صباح الله خير
غلا وهيا تمسك يد أمها:يمه ابي بوتي الأحمر مالقيته
أم تركي:دوري في غرفتك وين بيروح
غلا:ياربي بدور وأشوف رغم أني عافسه الغرفه فوق حدر مو لاقيته
وطلعت
أم تركي:ها رنا جهزتي شنطتكي
رنا وهيا تجلس على طاولة الطعام:أي يمه وقلت لشغالة تنزلها
أم تركي:وين تركي ووليد
رنا:تركي نايم ووليد في غرفته يجهز أغراضه
أم تركي:ياهذا الولد متعبني لو يدري أبوه أنه لين اللحين نايم بيسوي لنا سالفه وطلعت له
أم تركي فكت الباب لقته نايم وعليه بطانيتين والغرفه ثلج<<عيال العائلة ذي يموتو بالبراد ماشاء الها عليهم
راحت وسكرت المكيف وولعت النور:قوم تركي يمه قوم يالله عشان شوي وبنمشي
تركي وهيا يتحرك ويبعد البطانية عن وجهه:يمه ابي أنام شوي بس
أم تركي وهيا تسحب البطانية عنه:مافي ياماما قوم أبوك يقول عجل هو جاي بالطرق ياويلك لو جاء وانت باقي نايم
تركي وهو يقوم يجلس ويرجع شعره لورا:خلاص يمه قمت وربي قمت
أم تركي:يالله يمه عمامك قديهم رايحين وحنا باقي قوم الله يعافيك وطلعت
وتركي أخذ منشفته ودخل ياخذ له شور
في بيت أبو فارس
حلا سمعت باب البيت ينفك طلعت جرت شافت فارس وهيا تلحقه جري وتنادي:فروووووس
فارس لف عليها وهيا اللي توصل عنده وتوقف نفسها بحركة فرامل
فارس:خير يابو الشباب كم ماشي
حلا:يامصلك اسمع اللحين بتروح المزرعه
فارس:ايه بسبقكم
حلا:اخوي حبيبي
فارس وهو يسند ظهره على حافة الباب:لامدام فيها اخوي حبيبي السالفه فيها طلب
حلا وهيا تحك راسها:المشكله دوم فاهمني امممم ابي اروح معاك
فارس:وليه ماتروحين مع ابوي
حلا:لاأبوي أولاً "وتعدد على أصابعها مايسرع ثانياُ كل شوي يمر مكان
فارس:بس كذا لالا انتي معاكي حق اقول اقلبي وجهك وتحرك وبغى يسك الباب
حلا:لالاتكفى وتكفى تهز رجال بروح معاك بليزززززززز "وتسوي نفسها بتبكي"
فارس:تصدقين رحمتك أمشي بسرعه أنتظرك في السيارة خمس دقايق تتأخري ترى تطلعي ماتلقينـــ
مامداه يكمل كلامه قدها رايحه جرررررررررري للدرج
فارس:الحمدلله والشكر لك يـــــآآآآآرب وطلع
حلا طلعت بسرعه غرفتها شالت شنطتها اللي فيها ملابسها ولبست عبايتها الكتف ولفت الطرحة على شعرها بأهمال <<تقوول باقي صغيره مابغطي الا في ثالث ثانوي
ونزلت جري مع الدرج قابلت أمها
أم فارس :وين رايحه
حلا وهيا تنزل الدرج بخطوات سريعه وتلهث:مع فارس المزرعه يالله مع السسسسسلامه وفتحت الباب وطلعت
ولقيت فارس جالس في سيارته الهمر عند باب الفله ولابس نظارته الشمسية ومشغول في شي
فتحت باب السيارة اللي قدام وسكرته ورمت شنطتها في المقعدة اللي ورا
حلا:وش تسوي
فارس:ادور شريط راشد الماجد مو لاقيه
فارس وهو يضرب على جبهته :يوووووووووه تذكرت اخذه تركي
حلا:هذا وقته ياخذه انا اوريك فيه كنت باخذه منك عشان نتسلى عليه في المزرعه اوريه
فارس:إذا جو المزرعه خذيه منه
وحرررررررررررك
**************************
"في بيت أبو بدر"
في غرفه بدر
بدر وهو يربط حبال جزمته السبورت الله يكرمكم<<شكلنا بنفتح محل حذايين اليوم هههههههه
بدر:مي حبيبتي شوفي العيال وينهم عشان بنمشي
مي وهيا ترسم عينها بالكحل:بغرفتهم لبستهم وجاهزين معليه حبيبي بس ثواني واخلص ونروح
وقف بدر وراح عندها وصار مقابلها ومتكي على حافة التسريحة ويناظرها بأعجاب كانت راسمه عيونها بدقه وحاطه روج وردي مع لمعه وشدو وردي مدموج بلأسود وبلاشر وردي طالع شكلها كيوت
مي وهيا مستحيه وتنزل الفرشه من يدها:بدور ليش تناظرني كذا بعد ماحب احد يناظرني وانا اتصلح
بدر:وربي مايحتاج تصلحي تجنينين فديتك
مي وهيا ترجع الفرشه محلها وتقوم ووجها صاير احمر:خلاص مابي اتصلح بتصلح هناك
بدر:هههههههه فديت اللي يستحون
مي وهيا تلف عليه:طيب اسمع انا بنادي الشغاله تنزل الشنط وبروح انا العيال واجي ونروح
بدر:اوكي وانا بروح اشوف اهلي راحو ولاباقي وطلع
بيت ابو فهد كانو بالطريق متوجهين للمزرعه
أبوفهد وأم فهد ويوزن ولميس بسيارة
ودانه وطلال بسيارة
دانه وهيا تاكل شبس:طلول وقف عند هالكوفي ابي نسكافيه ودونات
طلال:اوكي حتى أنا ابي موكا ودونات
وقف السيارة جنب شباك الكوفي
طلال:لوسمحت اثنين دونات شوكلت وواحد نسكافيه وواحد موكا ومويه
وجلس ينتظر شوي لاحظ سيارة موقفه وراه ناظر زين
طلال:دانه هذا فارس ورانا بنزل أشوفه وراجع إذا جاء الطلب خذيه وحاسبي
دانه:اوكي
ونزل
فارس كان يسولف مع حلا ويسمع سوالفها اللي بالمدرسة وعن البنات ومبسوط<<دام السالفه فيها بنات بينبسط مو مغزلجي ههههههه
شوي سمع دق علىقزاز سيارته من جهته لف وجهه وأيتسم ونزل القزاز
فارس:هلا طلول وانا اقول ذي السيارة مو غريبة علي
هذي سيارة طلال
[IMG] [/IMG]
طلال:ههههههه أي أنا ها بتطلبو
فارس:أي حلا تبي عصير ودونات وإلا توقف
طلال وهو يكلم حلا:هلا والله بحلا كيفك
حلا:تمام مين معاك في السيارة من البنات
طلال:دانه
حلا:اها
طلاليالله جاء طلبي بروح نلتقي هناك
حلا بحماس وهيا ترفع رجل على مقعدة السيارة ورجل منزلتها:طلول وش رايك نسوي سباق بينا وبينكم من يوصل قبل
فارس:لاوالله سباق على حساب سيارتي
حلا:بليز فروس افا ماتثق بقدرات سيارتك
فارس:اصلاً فايز فايز بلاشك
طلال:نشوف يالله انتظركم ونبدأ
فارس:اوكي
راح طلال وفتح باب سيارته ودخل والتفت على دانه:ها حاسبتي
دانه:أي بس وين حسابك
طلال:مالت عليك احمدي ربك خليتك تركبين معاي
دانه:لاتذلنا بسيارتك
وي يسمعون صوت بوري من وراهم
ترى مو قارس اللي دقه حلا <<هههههههه من الحماس
طلال:زين زين وحرك ووقف على جنب وفارس جاء محله وطلب
دانه لفت عليه بأستغراب:ليه وقفت
طلال:بنسوي سباق
دانه بأستغراب أكثر:سباق أنت ومين
طلال:أنا وحلا أقصد أنا وفارس
دانه:حلا وفارس آآآآآه هما الل ورانا
طلال:أي وحلا تقول تبينا نتسابق
دانه:عاد هالله هالله نبي نفوز مابي حلا تشمت فينا
طلال:أفا عليكي وأنا ولد أبوي
شوي وقف جنبهم فارس وحلا تشر بيدها لدانه يعني هاااي
فتح القزاز طلال:يالله نبدأ
حلا:لحظه أنا بعد وأحد أثنين ثلاثــــــــــــــه
وأنطلقووووووووو
مره طلال يسبقر فارس ومره فارس يسبق طلال لين وصلو للمززززززززرعه
ومين تتوقعون الأول
الأولـــــــــــــــــــــــــــــــــــــــــ
طـــــــــــــــــلال
هههههههههه عاد حلا بغت تنجلط وطلال ودانه يعلقو عليهم وهيا تقول لو أنا كنت أسوق كانت فزت بلاشكككككككك
طلال:اقول بس لقطي وجهك
حلا تطلع له لسانه:انننننننن مالت عليكي ودخلت المزرعه
بوصف لكم شوي المزرعه
"المزرعه لها باب كبير تدخل من السيارات وبعدين طريق سيدددددددددددددددددده لين توصل لباب الفله وعلى جوانب هذا الطريق زرعه ومن على الأطراف ورد بأنواعه والوانه روووعه
وبعدين قريب من الباب وعلى بعد 50 منر فين زي البركه وفيها مويه وفي النص نافوووووووورة ومنثور في البركه ورد شكلها خيالي
وبعدين على اليمين
تمشي مسافه شوي طويله تلاقي زي الستار مصنوع من الخشب وفيه فتحه زي الباب تدخل منها في مراجيح وزحاليق والعاب منوعه وكلهااا هالمنطقه رمل
وبعد هذا المكان تقريباً على الجانب الأيمين من الفله في مسبح كبرر للأولاد ومكشووووف وبعد بمسافه 5 أمتار فيه مسبح للبنات ومقفل زجاج من بره بس اللي بره مايشوفو اللي جوا والعكس صحيح اللي جوا يشوفو اللي بره
وبعد المسبح في مكان للخيول مساحه كبيررررررره وفيها خيوول كثيره وفيها منطقه على جانب المزرعه كلهااااااااااا ورررررررررررد منووووع الوان وأشكال وشكلهاا خيالي
وعلى جهة اليساااار في ملعب كورة قدم وملعب كورة تنس وفي بيت الشعررر ومكان للشوي ومجلسسسسسسسسس الرجال الخارجي
الفله من الداخل43 طوابق الدور الأول مطبخ صالتين استقبال كبار مفتوحه على بعض وصالة طعام والدور الثاني غرف نوم جناح للأولاد وجناح للبنات والدور الثالث غرفه للجد والجده ولأبو تركي وزوجته وغرفه لأبو فهد وزوجته وغرفه لأبو فارس وزوجته وغرفة لأبو بدر وزوجته<<أما بدر ومي بدر مع العيال ومي مع البنات هيا وعيالها والدور الرباع السطححححححح"
شوي شوي بدو يوصلو العوايل سلمو على بعض وتغدوو وكل واحد راح يرتاح معدا العيال والبنات العيال
بعضهم نعس ونام في بيت الشعر والباقي يلعبون سوني ولابلوت <<باصرة
والبنات سوالف وضحك
طلال:نواف بطل غش
نواف:افا طلول انا نواف اغش ويسوي نفسه يبكي لالا دنا مظلووووووووم <<يقلد عاد امام
تركي وهو يبعد الخدادية عن وجهه:وربي لو ماتسكت انت وهو لقوم ادوس ببطنكم
طلال:اقول أخد أخمد وأنت ساكت
شوي رن جوال تركي سمع النغمه وفز
طلال:ههههههههه شوفو وش قومه وهو يغمز له ياعيني ياعيني
نواف:خله بس خله هو وفروس من سمع نغمه فز ولو هو بسابع نومه
تركي:خلاص مابرد ها شوفو<<اغلق جواله وحطه جنبه>>ها ارتحتو
طلال:والله وش خصني فيك
طلال:اجل بطلو لاقافتكم
نواف:شوفو مين يتكلم
وليد:مزون غير الشريط ماش ماعجبني
مازن:وش احط
يزن:اقول حطو مضاربات حلوه اكشن
وليد:ليش ماتاكل وانت ساكت
يزن:وانت وش خصك واخذ اكله في يده وقام
مازن:وش فيك عليه
وليد:مدري عنه دومه حاط دوبه دوبي حط حط لنا سباق
عند البنات
دانه وهيا تناظر بحلا وعلى وجهها ابتسامة خبث:بنات فاتكم اليوم شي
مهاا:قولي قولي شنو
رنا:يالله بسرعه تكلمي ترى الحماس بياكلني
رغد:عدال انتبهي بس
رنا طنشتها:قولي يالله
حلا:وربي بذبحك
دانه بأبتسامه:كم تدفعين
حلا وهيا تلف وجهاا:قولي مايهمني
دانه:اليوم تلاقينا انا وطلال وحلا وفارس عند الكوفي وحلا اقترحت على طلول نسوي سباق ويوم سوينا سباق من يوصل المزرعه اول فزنا حنااااااااا
حلا وهيا تلتفت على دانه:اصلاً لو أنا اللي اسوق كان فزت
دانه وهيا تجلس:هههههههه أجل لا تتحدين مره ثانية
البنات:لالاياحرااااااااااااااام
حلا وقفت وهيا معصبه
مالت عليكم كلكم
وراحت وهيا معصبة والبنات ضحك عليهااا
قابلت في طريقها مي كانت عند عايلها دفتها ومشت
مي دخلت وهيا تأشر بيدها:شنو فيها
حكوها البنات وجلست تضحك
الساعه 5:30 عصراً كانو العيال يلعبون تنس
فارس:يالله تروك أرمي
تركي وهو يرميها:خـــــــــذ
في جهة ثانية كانو جالسين الرجال بره فارشين بساط ومعاهم الجد والجده
الجد أبو أحمد"صالح":ماشاء الله كبرو العيال
أبو بدر:مايدوم شي على حاله يبه
الجده أم أحمد"سلمى":ماشاء الله حتى البنات تقول البخت ربي يحفظهم ويخليهم لكم
الكل:آآآآآميــــــــن
شوي جو طلال وناف وجلسو معاهم
طلال وهو يغمز لنواف ويكلم جده:اقول ياجدي ماشاء الله توك شباب ليه ماتتزوج
الجده رفعت عصاتها وضربته على كتفه :ياللي ماتستحي على وجهك تبي جدك يتزوج وأنا وش فيني مو ماليه عينك
طلال وهو متسدح من الضحك:ههههههههه لاحاشاكي بس راحت عليكي ياجده
نواف:أي جده وجدي باقي صغير والشرع حلل أربع
الجده وتكمل الضرب على نواف وتضربه على رجله
نواف وهو يحك مكان الضربه:آآآآآي ياجده عليكي ضرب مالوم جدي لو تزوج جدتي عنيفه
أبو فارس وهو يضحك:بس انت وهو جنتو أمي
طلال:نمزح ياعمي وقام وباس راس جدته فديتكي الغاليه أصلاً جدي لو يلف الدنيا كلها مالقي مثلك
الجدة سلمى:إي أضحك علي بكلمتين تبيني اسامحك
نواف وهو يبوس راسها:وربي نمزح ياجده فديتك يازينك أصلاً انتي أصغر من أمي
طلال هنا ماقدر يسكت أكثر وخاف من جدته جد تزعل منه مسك على فمه وقاام جري
جدته:هو وش فيه قام
نواف وعلى فمه أبتسامه:لابس شكله يبي الحمام<<الله يكرمكم
الجد:ماعليكي منهم أنا وين الاقي مثلك يأم أحمد
أبو تركي:إي هذي الغالية أم أحمد
الجده سلمى:فديتكم يمه ربي يحفظكم انتم وعيالكم
نواف طلال يانذل مخلين وقايم وهقتني
طلال:ههههههه وش أسوي قمت قبل أضحك وتعصب علي جدتي وبجد تزعل عاد وش يراضيها بعدين
فارس:انتم وش فيكم على جدتي ماتبطلون حركاتكم
نواف:ماسوينا شي
تركي وهو يجي لهم:يابريئئئئئئئئئئئ أمشو بس نروح نشرب لنا شي ها وين اللي اشتريتوه انت وهو
طلال:بعد الصلاة بناكل<<صلاة المغرب>> امشو نقعد مع العيال<<باقي الشباب
وراحوووووووووو
عند البنات طلعو سوا مجموعه ماشاء الله كثيرين وجلسو يمشوون
<<الكبار مي وولايف وغلا وزهور يلبسو براقع>><<ووالوسط رنا ولارغد يتلثموو>><<واللي يقولو صغار مها وحلا ودانه مايتغطوون بس يلفون الطرح على روسهم>>
<<ولميس ورازان مع مازن ووليد ويزن
السعـــــــــادة">>happiness" شلـــــــــة
عند البنات طلعو سوا مجموعه ماشاء الله كثيرين وجلسو يمشوون
مشو مشو وفجأة وقفو وأنطلاق جرررررررري
مها:لاحقتي مالي أنا حاجزتها
دانه:وخري روحي ذيك"متشهاوشين على المراجيح هههه كبيرهم وصغيرهم من مي لين اصغر وحده فيهم دانة وش خليتي لعياك يامي<<تعجبني الأم اللي كذا هههه
حلا بقيت واقفة مكانها
حلا:الحمدلله والشكر على العقل
من وراها:بسم الله عليكي العاقله
حلا لفت على مصدر الصوت وبس شافته وخرت وجهها عنه:خليت العقل لك ولأشكالك
نواف:حسني كلامك أحسن لك
حلا وهيا تتخصر:وأنا ماحسنته
نواف وهو يمسك من معضد يدها ويتكلم وهو ضاغط على أسنانه:بتشوفي شي عمرك ماشفتيه فاهمه وترك يدها لما سمع أصوات الشباب وراه يتكلمون
في مكـــــــان ثاني وعالم ثاني بعيـــــــــــد و تحيدياً في "أمريكــــــــــا"
عند فهد في شقته وتحدياً في غرفته جالس على سريره وماسك في يده ملزمة وقلم ومجموعه أوراق منثورة على السرير
دخل صديق عمره زياد وبيده كوب قهورة:أقول فهد كم ياقي لك وتخلص
فهد وهو يرفع نظره عليه:كم ورقه كذا
زياد:أجل خلاص قم بدل وخلنا نطلع طفشت من جلسة البيت واللي باقي نراجعها لما نرجع وش رايك
فهد وهو يسكر اللي في يده:صار يالله قايم
وقام بدل وخرجو هو وزياد يتمشون
هذي حياتهم بأختصار يروحوا لجامعه ويرجعون ياكلون وينامون ويقومو يذاكرو ولو بقي لهم وقت طلعو يتمشو مع بقية اصحابهم أو بروحهم هدفهم أنهم يجيبو شهادة تنفعم وترفع راس أهلهم ويخدمون فيها وطنهم الغالي" الله يحفظ لنا وطنا وجميع بلدااان المسلميـــــــن اللهـــــــم آآآآآآآآآآميــــــــــن"
*************************************************
بيت أبو خالد
طلعت من المطبخ على رنة الجرس
راحت بسرعه وفتحته
دخلت جارتهم أم سعد:ام سعد تسلم عليها
كيفك يابنيتي أنشاء الله بخير
جنى من وين يجي الخير:الحمدلله وانيت ياخاله
أم سعد وتناظرها بأعجاب:بخير جعلك الخير ماشاء الله كل ماتكبرين تحلوين زيادة ربي يحفظك
والله لو عندي ولد غير سعد وحمد مو متزوجين لخطبكي له
جنى نزلت راسها بخجل من كلام هالحرمة اللي ماتحب تسمعه
جنى رفعت راسها:تفضضلي ياخاله
أم سعد:تسليمن وين عمتك أم خال
جنى:فوق اللحين أناديها لكي تفضلي
خلتها وطلعت دقت باب غرفة عمها وعمتها
أم خالد:مين
جنى:انا ياعمه
ام خالد:خير وش عنك أدخلي ياوجه البلا
جنى في نفسها الله يعين ودخلت جنى:جارتكي ام عد تحت تبغيك
ام خالد وهي توقف وتتجه للتسريحه:خلاص انقلعي وسوي لها قهوة واللحين جايه
جنى:أنشاء الله
وطلعت ونزلت سوت لها قهوة وودتها لهم لقيت أم خالد تسولف مع أم سعد
أم خالد:حطيها وروحي قولي للبنات يجون يسلمون على خالتهم أم سعد يالله
جنى:أنشاء الله وطلعت
أم سعد:حرام عليكي يا أم خالد وشفيك عليها والله البنت طيبهأم خال وهيا تشمق:بلاكي ماتعرفيها مثلي تسوي نفسها مسكينه قدام بس أشربي أشربي القهوة الله يعافيك
طلعت جنى غرفة بنات عمها مريم وأنوار
لقيت الباب مفتوح وقفت وكلمتهم:جنى بنات تقول عمتي أم خالد أنزلو سلمو على خالتكم أم سعد
أنوار وهي تشمق:زين زين جايين انقلعي<<مسكينة كله مقلعينها
بعد ماطلعت جنى لفت أنوار على مريم اللي جالسة على كرسي التسريحة وتمشط شعرها:لاتكون أمي تبينا ننزل نسلم عليها عشان تجيب لنا عرسان
مريم:أحمدي ربك بس ياليت لو تجيب لي واحد غني والله لوافق عليه وأنا مغمضه
أنوار:مالت علينا من وين ياحظي يجينا غني وذا حالنا
مريم:عادي تصير ليش لا بس بس سكتي خلينا اتزين وأنزل امكن تلقى لي عريس شي
أنوار وهيا تناظر نفسها:كذا شكلي حلو بنزل
مريم بعد مانزلت أنوار:لايكون بتسبقني ويكون عند أم سعد عريس وتاخذه مني أوريكي يأنواروه ونزلت
أنوار دخلت وسلمت وجلست شوي دخلت مريم وسلمت وجلست جنب أنوار
مريم:اشلونك ياخاله ليه ماعد شفناكي
أم سعد:ماعليه يابنيتي بس انشغلت شوي
أنوار وهي تتمتم بينها وبين نفسها"بزن سمان وأنا مدري"أم سعد:ها شنوتقولين
أنوار وهي تبتسم :لالا ولاشي سلامتك
مريم وهي تضربها بكوعها:اسكتي يامال الوجع فضحتينا خليكي عاقل بنظرها
أنوار:سكتي بس
أم خالد وهي تناظر بناتها وتوجه كلامها لأم سعد:ها بالله وش رايك في بناتي يأم سعد ماشاء الله عليهم كل مالهم يحلون
أم سعد ببالها"القرد في عين أمه غزال وش قالو لكي ماعرفكي ولا أعرف بناتك":ماشاء الله عليهم ياحلوهم
"أم سعد معروفه من كثر ماتزور البيوت صارت مثل الخطابه لو شافت بنت حلوه في بيت راح لبيت ناس ثانين وقالت لهموتزوجت كذا بنت وللد على يدها وهي مره على قد حالها حالهم متسوط ساكنه لوحده مع شغاله وعيالها كل واحد ساكن ببيت هو وزوجته وعندها بنتين مزوجات عشان كذا كل يوم ببيت هههههههه
نواف وهو يمسك من معضد يدها ويتكلم وهو ضاغط على أسنانه:بتشوفي شي عمرك ماشفتيه فاهمه وترك يدها لما سمع أصوات الشباب وراه يتكلمون
بندر وهو يسمع اصوات البنات:اقول حلا وين زوجتي
حلا وهي فاير دمها من نواف وتناظره بغيظ وقهر:شوفها جوا عند المراجيح
طلال:احلفي البنات كل ابوهم جوا
حلا:أي ودخلت عندهم
طلال:انا داخل
بدر مسكه:تعال يابو الشباب وين رايح امكن زوجتي كاشفه
طلال:مالت عليك وعلى زوجتك وفك يده ودخل
بدر:شوف اللي مايستحي
فارس:ههههههه ماعنده وقت
طلال عند الباب الخشب:أحم أحم
دانه:أدخل طلول
طلال:السلام عليكم
الكل:وعليكم السلام
طلال:وشلون بنات عمي الحلوين
البنات:بخيييييييييييييير وأنت
طلال:بخير دام ويناظرها قلبي بخير
مها وهي تمشق وتلف وجهاا:استغفر الله بس
طلال طنشهم وراح جلس على الأرجوحه اللي كانت جنب مها فاضيه حق دانه اللي راحت تزحلق<<ههههه ياليتني معاكي
طلال بعد ماجلس صار يمرجح نفسه بنفس ميتوى مرجوحته:اشلونك مهاوي
مها وهي لافه وججه عنه:كنت بخير بس اللحين لا
طلا وهو عافس وجهه:افا ليش
مها لفت عليه وبقهر :منك عرفت ليشي الله قوم اقلب وجهك
طلال وهو مبتسم:ودي ياقلبي بس الرموت ضيعته
مها:ههههه ماتضحك
طلال:ابعرف ليش معصبه
مها:وش لك خص اف وقامت وراحت عند مي اللي جالسة تركب ولدها معاذ على الارجوحه
مها:روحي مي انا بدفه
مي:اجل يالله بروح اكمل لعبي<<مو قلت لكم ام فله
طلال يناظر في مي :الله يعينك يابدر متزوج بزر
مي اللي كانت متوجهه للعبه لفت عليه:بزر في عينك
دخل بدر ووراه الشباب:وش فيكم
مي:هالبزر يقول الله يعينك علي متزوج بزر
بدر وهو يلف على طلال:لاماأسمح لك طلول مي مو بزر مي بزره ماتعرف تفرق بين البنت والولد
طلال:ههههههه أعذرني يابو معاذ مره ثانيه بنتبه ولف على مي لقطي بس وجهك تبي اجي اساعدك ههههههه
مي لفت عنه وناظرت في بدر:بزره ها
بدر:ههههه حاشاكي ياقلبي أمزح وش فيك
طلال يناظر في مها ويغني:مين يزعلها يزعلني انا
مها:ياسخفــــــــك
نواف وهو يوجه كلامه لحلا يبي يستفزها ولف على طلال غمز له وأشر على حلا وطلال فهمه
نواف:اقول حلا وش فيكي معصبه
كانت واقفة جنب شجرة وماسكها جذعها وتحاول تكسره
حلا لفت عليه:وش حشرك
طلال وهو يوقف ويروح جنب نواف:لابس مايهون علينا نشوف الحلو معصب ومانروقه
حلا بعصبية:روقك ماروق جدي
فارس وهو يدخل يده في جيوبه ومتكي على الشجرة الثانية:بطل انت وهو ماكفاكم جدتي رجعتو لحلا
نواف وهو يناظرها من فوق لتحت:لابس ابو الشباب معصب ونبي نهديه
حلا وهي ترجع تلف وجهه ناحيته:ومن قال اني معصبه
نواف ببرو يناظرها:شكلك ارحمي الشجرة بس قطعتي فروعها
طلال وهو يضحك:ههههه امكن تبي تجيب منها حطب
حلا خلاااااااااااص وصلت حدها من العصبيه مرت من عندهم:حميـــــــــر ومشت معصبة
نواف وطلال وهم ميتين ضحك:ههههههههههه دوري لنا بطريقك حمــــــــاره
تركي:حرام عليكم هبلتو فيها
شوي رن جوال فارس وطلع برى يكلم
ولحقه تركي
وقف وراه سمعه يتكلم
فارس:لاحول مقدر ياقلبي اكلمك مشغول
أي طالع مع الاهل
خلاص لارجعت البيت كلمتك
خلاص يالله وسكر في وجهاا
تركي:من ذي
فارس:وفي غيرها النشبة
تركي:لين اللحين معاها
فارس:شكلي بغير رقمي أذتني
امش امش أذن نادى الشباب شوف جدي يأشر لنا
راح تركي وناداهم طلعو بقي طلال مر من عند مها اللي ركبت ليان بعد معاذ وجالسة تدفها قرب منها وهمس في أذنها:وحشتيييييييييني وأبتسم أبتسامته اللي البنات يموتون عليها ومشى
مها جلست تسبه في نفسها
مها:بنات يالله أمشوو نصلي نزلت ليان ودخلت جوا
في بيت أبو خالد""
جني جالسة تاكل من بعد الشغل اللي اشتغلته
اليوم كان الأربعااء""
اجازة مافي مدرسة فما رحموها سوي هاتي غسلي روحي وهكذ
دخلت أنوار وشافتها جالسة على أرض وفارشة لها سفرة وتاكل
أنوار:جنووووه يامال السم قومي غسلي ملابسي
جنى نزلت اللقمه اللي بيدها كان بتاكلها
جن ببراءة:توني غسلت الملابس كلها
أنوار وهيا تتخصر:لاباقي ملابس لي في الغرفه ابيكي تغسليهم
جنى:خلاص أكل وأقوم
أنوار:أقول قومي ووجع ال أكل قال
جنى تنهدت وشالت أكلها ورفعته وراحت ورى أنوار دخلت أنوار شالت الملابس اللي في السلة ورمتها على وجهها جنى مسكتهم ونزلتهم
أنوار وهذي عميه ماشفتيهم
جنى:يوم أغسل الملابس ماكانت فيه
أنوار:واللحين في بسرعه أنقلعي عن وجهي
طلعت جنى ومعها نزلت دموعها
دخلت الحمام الله يكرمكم ويكرمنا
حطت موية وحطت الصابون وحطت بعدين الملابس وشغلت عليهم وراحت غرفتها معاد لها نفس تاكل
جلست على سريرها رفعت مخدتها وشالت الشي الباقي لها من أمها وأبوها صورتين لهم صور فيها أمها وأبوها وصورة كان عمرها 9 سنين مع امها وأبوها وهي متوسطتهم نزلت دموعها
ناظرتها وباسته وحطتهاعلى صدرها وجلست تبكي
جنى:الله يرحمك يمه والله يرحمك يبى روحتو وخلتيوني وحيده اعاني من بعدكم ياليتني مت معاكم
شالت صورهم ورجعت مكانها وناظرت لحلقها وشافت العقد اللي اهدتها اياه أمها يوم نجحت من اولى ابتدائي لثاني أبتدائي من هذاك اليوم مافصخته حتى في المدرسة تحطه تحت المريول <<بس مو ذهب بس كان فيه حرفها
{{G}}
شوية وطلعت لاتجي مرة عمها وتسوي لها سالفه
"فـــــــــي المــــزرعـــــه"
الساعه9:30
في بيت الشعر
طلال:نواف عطيني من الشبس اللي شريناه
نواف:هي هي اسأل يزن عنه
يزن:مالي شغل شفته اكلته
طلال:وش اقول بس انت بس تبلع خف شوي
وليد:دوم اقله بس مايسمع
يزن بقهر:انت اسكت بس محد طلب رايك
وليد طنشه ورجع يلعب بلاستيشن مع مازن
طلال: بروح اشوف البنات وش مسوين من حلا
نواف:عاد لاتنسى خيك من الحلا
طلال:افا عليكي يالله بروح وطلع
جاء بيدخل مع باب الفه سمع اصوات الحريم والبنات ماليه الصاله
جاء مع باب المطبخ الخلفي
كانت واقفة عند الطاوله اللي عليها حلا وبساكيت منوعه وتقطع الحلا وتحضره في صحون
ومعطيه الباب ظهرها
طلال أول مادخل وشافها أبتسم ومشى بهدوء وقرب لين صار وراهاوحط يده على كتفها:وش يسوي الحلو
مها نقزت من الخرعه ولفت عليه كان وجهه قريب من وجهاا لفت وجهها عنه:لاحول الله ولاقوة إلابالله اف خرعتني
طلال بأبتسامته:بسم الله عليكي خفتي ياقلبي
مها وتلف وتعطيه ظهرها:وش لك دخل وعدل الفاظك
طلال وهو يروح ويوقف جنبها:وش اسوي دام الكلام يطلع بروحه آآسف مقدر
مها:طلال
طلال:عيون وقلب وروح طلال انتي
مها:اقلب وجهم
طلال:ليش انتي دايم كذا
مها:والله وأنت منو عشان اكلمك بلباقه
طلال:انا طلال ولد عمك وحبيبك وزوجك مستقبلاً وابتسم
مها وجهها صار طماطم:حبك برص أقلب وجهم أقول ولا انا أصلاً بطلع وجاءت بتمشـــــــــي
طلال مسك يدها وناظرها وبعين نزل راسه بحــــــــزن
طلال:مهـــــــا……………….
أنتهى توقعاتكم شنو بيقول طلال لمها ومها أيش بيكون ردهااا
وأكيد اللحين عرفتم مين حبيبة طلال وعرفتم أن حبيبته للأسف ماتحبه رغم كل الحب اللي يملكه بقلبه لها
فارس وتركي وش راح يصير معاهم
والبنات وش راح تواجهم من مواقف
ويزن ليه حاقد على وليد
|