روايه حزينه انصحك بقرأتها
- - - - - - -
www.dream-cafeh.net
- - - - - - -
السلام عليكم
بدخل دايركت بالموضوع اللي قطع قلبي وبيقطع قلب كل مسلمه ترجو خاتمه اهل الجنه
هذا طال عمركم كان عندنا بالقريه جيران وكان عندهم بنت فيها شويه اعاقه عقليه وجسديه اعاقه جدا بسيطه لكنها ماقدرت تكمل الدراسه معنا بسبب هذي الاعاقه
اذكر انها فصلت من المدرسه من يوم كنا بثالث ابتدائي وجلست بالبيت مع والديها واخواتها الصغار
طبعا كبرت البنت وتزوجوا اخواتها الصغار قبلها بسبب الاعاقه وكانت العائله ماشاء الله لاقوه الا بالله عائله ملتزمه جدا وهذي البنت كانت زي اخواتها تلبس العباءه الاسلاميه والجونتي بالرغم انها ماتطلع من البيت الا نادرا وما كانت ملفته واحد حاط عينه عليها لكنه الايمان
الشاهد ان هذي البنت انخطبت لواحد معاق مشلول عالكرسي وتزوجته وعاشت معه واهله سنتين كانت مثال الزوجه الصالحه وبعد سنتين راحت لاهلها وقالت خلاص ماني راجعه له مره ثانيه
سألوها اهلها ليه قالت يعاملوني زي الشغاله وكل شغل البيت عليه الى جانب اني ماارتحت ولاحملت من زوجي فماله داعي ارجع له
قالوا اهلها براحتك وتركوها وجلست عندهم تقريبا اربع شهور
جاء موسم الحج وقالت لاهلها ابغى احج قالوا خلاص ونوت الحج مع واحده من اخواتها واخوها وقبل لاتسافر للحج قالت لازم اتسامح من زوجي او بالاصح اللي بيصير طليقي وكمان اتسامح من اهله وبالفعل دقت عليهم واحد واحد وتسامحت منهم شوفوا التقوى والايمان بالرغم انه الى الان ماطلقها وبينهم مشاكل
تسامحت منهم وسامحوها وراحت للحج وفي يوم عرفه كان ايضا يوم جمعه اتذكر قبل ست سنوات او اكثر او اقل صادف يوم عرفه يوم الجمعه ركبت مع اختها الباص وبعد العصر بالظبط كانوا متجهين لعرفه
تقول اختها كانت طول الطريق تسبح وتهلل وتستغفر فسمعت وراها حرمتين من جنسيه عربيه يسولفون بامور الدنيا فقالت لهم ليه ماتستغلون وقتكم بذكر الله يمكن السنه الجايه ماتجون الى هنا وجلست تنصحهم قاموا الحرمتين زعلوا وبدوا يسبونها ويقولون اش دخلك ومن هذا الكلام
تقول اختها سكتت وحطت راسها عالمقعده اللي قدام كأنها متكئه وكنت اظن انها تسبح او تبكي ولكن لاحظت انها توقفت عن الحركه خاصه لما تجي مطبه اولفه من الباص ماتبدي اي تفاعل فناديتها فاطمه فاطمه لكنها لم تجيب عرفت ان البنت ماتت
سبحان الله اي موته هذي يوم عرفه ويوم الجمعه وهي محرمه يااااااربي احسن خاتمتنا والله اللي الان لما اتذكر قصتها احزن حزن شديد تدرون ليه مو عشانها هي بأذن] الله اللي خير لكن احزن علينا كيف بنموت هل بنكون زيها ملبين او حاجين او يوم جمعه او يوم عرفه ياربي اختار الله لها هذي الموته لما علم من طهاره ونقاوه قلبها الله يرحمها
يقول اخوها والله حملت هم تشييعها في ظل هاذي الزحمه فالحرم لكن والله لما كنا نشيعها احس احد يشل الجنازه موانا وكانت سهله جدا ومريحه وشيعها امم في مكه وصلوا عليها بالحرم مايقارب المليون الله يرحمها ويحسن خاتمتها
ابوها الى الان يبكي يقول ضعيفه بنتي وكل سنه لما يشوف يوم عرفه بالتلفاز يقوم غرفته يبكي وتخنقه العبره على بنته الله يسكنها مساكن الابرار ويحسن خاتمتنا ويجمعنا بها فالجنه
تعقيب
الله يجزاكم خير ويحسن خاتمتنا اجمعين ويجمعنا بجنات النعيم تذكرت يابنات شئ يحزن للبنت ويشرف كل مؤمنه اتذكر حضرت زواجها يابنات هذي بعرسها كانت لابسه فستان ابيض سيور بدون اكمام كعاده الفساتين للاسف لكن العجيب في هالانسانه انها لبست بلوزه بيضاء استرتش طويله لين الكفوف وانزفت كأحلى عروسه وماكان همها تطلع امام الناس كذا قالت رضى ربي اهم لانها اظن والله اعلم ماامداها توديه للخياط يحط له اكمام ياربي واليوم تزف كحوريه من حور العين بأذن الله ونحن معها برحمه رب العالمين
منقول للامااانه
v,hdi p.dki hkwp; frvHjih v,h]i
|
10-15-2012, 02:21 PM
شكر
اعجاب
العرض العادي
