كتير مننا الايام دى اتجه لعمل
ريجيملان غالبًا بنبقى شايفين نفسنا بوزن غير لائق و غير صحى عشان كده حبيت اشارككم
تجربتى .
قبل ما نبدأ لازم تعرفوا ان الموضوع صعب و سهل .. نقدر نقول سهل ممتنع .. بس انت اللى هتخليه صعب او سهل .. و لازم تعرفوا ان الموضوع متوقف على عزيمتك و ارداتك ! بمعنى لو قولت انك عاوز تخس لكن كلام بدون فعل .. مش هتخس !*
اثبت لنفسك انك تقدر .. و افتكر دايما الحاجات اللى اتحرمت منها بسبب وزنك .. و ادخل مع نفسك فى تحدى .. هتقدر يعنى هتقدر بإذن الله
الريجيم بتاعنا معتمد فى الاساس على
اكلات دايت و رياضة بس ان شاء الله
قبل ما نبدأ شرح احب اقولكم .. ان ان شاء الله اول اسبوع هتخس 5 كيلو .. تانى اسبوع 3 كيلو .. و ثالث و رابع اسبوع من 3 : 5 كيلو .. و انت اللى هتحدد انت عاوز توصل لكام كيلو بالظبط .. فهتستمر فى الريجيم ده لحد ما توصل للوزن اللى حضرتك شايفه مثالى .
الطعام عبارة عن :
الفطار : نصف رغيف + بيضة مسلوقة او قطعة جبنة قريش .
الغدا : نصف رغيف + ربع فرخة مشوية بدون " جلد او دهون " .. او نصف رغيف و 4 قطع صغيرة او شرائح لحمة مشوية .. او نصف رغيف + سمكة مشوية + سلطة
العشا : زبادى بدون وش .. او فاكهة .
بالاضافة للنظام الغذائى ده .. الرياضة اللى هنمارسها هى المشى .. المشى بخطوات سريعة يوميًا لمدة نصف ساعة .. اخيرًا ده النظام اللى مشيت عليه و الحمد لله خسيت 25 كيلو فى شهر و نصف .. و اكيد ممكن التبديل فى اصناف الاكل و لكن بنفس النسبة تقريبا اللى موجودة فى الوجبات .
ازاى هنحافظ على وزننا ؟
ان شاء الله بعد لما توصلوا للوزن اللى انتوا عاوزينه .. هتبدأوا تكتروا فى كميات الاكل شوية تدريجيًا + رياضة المشى .
اخيرًا نصيحتى ليكم : ابعدوا عن المسبكات دايمًا و الزيوت ز حافظوا على رياضة المشى تحديدًا .. و بالتوفيق لى و لكم
*
لو عندك اى استفسار متتأخرش عننا و مش هنتأخر عليك
04-04-2014, 03:56 AM
تجربتى فى عمل ريجيم 2013 2014 2015
شكر
اعجاب
العرض الشجري