تعبت من زوجي هل من حلول 2013 2014 2015
- - - - - - -
www.dream-cafeh.net
- - - - - - -
تعبت من زوجي هل من حلول
حصريا على دريم كافيه
2013 - 2014 - 2015 - 2016
بسم الله الرحمن الرحيم السلام عليكم ورحمة الله وبركاته انا مشكلتي قد تكون تافهه عند البعض لكنها عدة مشاكل مأزمتني وبلخصها لكم في عدة نقاط وان شاء الله ما اطول عليكم واتمنى القى حلول 1 زوجي انسان ممل وملول مايسولف الا نادرا واذا سولفت انا كانني اكلم الجدار لدرجة انه مايدري وش اقول...
بسم الله الرحمن الرحيم
السلام عليكم ورحمة الله وبركاته
انا مشكلتي قد تكون تافهه عند البعض
لكنها عدة مشاكل مأزمتني
وبلخصها لكم في عدة نقاط وان شاء الله
ما اطول عليكم واتمنى القى حلول
1 زوجي انسان ممل وملول مايسولف الا نادرا
واذا سولفت انا كانني اكلم الجدار
لدرجة انه مايدري وش اقول ولاحتى يعلق
واذا سكت قال وش فيك ساكته متضايقه من شي !!
2 زوجي من اخذته وهو يصلي فرض ويخلي الباقي
او يمر اسابيع بدون مايركعها اللي حاز بخاطري اني
كنت انسانه ملتزمه بصلاتي وبقيام الليل وباذكاري
لكن من بعد زواجي منه تطبعت طبعه للاسف
حاولت ااثر فيه لكن العكس الحمدلله الان رجعت اصلي
لكن عجزت معاه بالطيب مانفع معاه وش الحل
3 يحب يحرجني قدام اهله ويتريق على مواقف صارت لي
لجل يضحكهم يحب يبين اني جاهله بامور كثير
وللاسف دائما يشوف نفسه انه فاهم بكل شي
لانه مجرد خريج كليه وانا عندي ثانوي
4كرهني في العلاقه الزوجيه لانه مايعرفني
الا وقتها ومايطلب هالشي الا اوقات الصلاه او
قرب اوقات الصلاه
5 زوجي معروف عنه انه راعي واجب وانسان معطاء ويحب
يهادي الناس باغلى الاشياء لكن هالشي مع الناس ومع اهله
وانا مايفتكرني بشي الا قبل كم يوم
اشترى لي عطر مقلد ب35 ريال ومعه هديه عطر ب10
ويمكن هذي 3مره يهديني من يوم تزوجنا الحمدلله ع كل حال
6 حياتنا ممله مهما حاولت التجديد فيها انسان يفضل طلعاته وحده
واذا ماقلت له طلعنا مايفكر ابدا ولما صارحته
قال انتي اسكتي وانا اطلعكم من نفسي
وللاسف تمر الشهرين والثلاث وحنا ماشفنا الشمس
7 مايعجبه شي الحمدلله بشهاده من كثيرين نظيفه وطباخه
ولابد يطلع عيب في اكلي او نظافة البيت
8 يزعل اذا رجع للبيت ولقاني اشتغل في شي
على طول يبدا يعاتب ليش ملا اخلص اشغالي
واجلس معاه صرت اخلص كل شي قبل يجي
عشان اجلس معاه لكن يا اما يقابل التلفزيون
او ع الجوال او عاللاب توب وانا مثلي
مثل المزهريه وان سولفت اسولف مع نفسي
9 احيانا ادا شفته مشغول عني احاول اشغل نفسي
باي شي مو مهم قد وشو صعب يعني ممكن اروح
اشيل واحط في الدواليب عشان انسى
لاني تعبت من جد وهالشي اثر علي نفسيا وجسديا
10واخيرا زوجي انسان غير مساعد نهائيا انا حامل في شهري الاخير
قبل اسبوعين تعب احد اطفالي وتنومت معاه واللي سبق وجربت
تعرف ان الممرضات كل دقيقتين داخلين يعني النوم انسيه
زوجي كان متواجد معنا ف الغرفه حتى للنوم لكن مايساعدني
ابدا فهو دائما نائم واذا قلت له امسك الولد شوي ابي انام حتى لو نصساعه يقول حتى انا ابي انام اي شي اطلبه يقول مافيني حيل
وانواع السوالف والصحكات مع الممرضات
وش الحل مع زوج مثل هذا اذا مانفع معاه لامصارحه ولا كلام ولا زعل
اخيرا
احب اقول لكل رجل ولكل زوج زوجتك ماتركت بيت اهلها
وكل ربعها عشان دجاج ورز وصابون
الحمدلله ممكن عيشتها تكون افضل ببيت اهلها
زوجتك تركت كل شي لاجلك لانها متعشمه فيك خير
تبي حب واحترام ومساعده واهتمام
تبي انسان يقدرها كانثى ويرحمها في تعبها
لاتفكر ان الاكل والشرب بديل لكل هالاشياء
ترى الحب والتقدير اهم مافي الحياه الزوجيه
jufj lk .,[d ig pg,g
2013 - 2014 - 2015 - 2016
jufj lk .,[d ig pg,g 2013 2014 2015
|
06-23-2014, 11:58 AM
شكر
اعجاب
العرض الشجري