زوجي.. وأهله 2013 2014 2015
- - - - - - -
www.dream-cafeh.net
- - - - - - -
زوجي.. وأهله
حصريا على دريم كافيه
2013 - 2014 - 2015 - 2016
*السلام عليكم ورحمة الله وبركاته فالبداية انا متزوجه من 8سنوات وعندي 3 اطفال ولله الحمد والمنه تزوجت ونا صغيره وكملت دراستي الجامعيه ولله الحمد زوجي وقتها يشتغل بقطاع خاص راتبه على قدنا الحمدلله يكفينا ... ولكن بعد مانقلنا من شقتنا لشقه ثانيه (طلعت مسكونه )انقلبت حياتنا وتغير زوجي صار...
السلام عليكم ورحمة الله وبركاته
فالبداية انا متزوجه من 8سنوات وعندي 3 اطفال ولله الحمد والمنه
تزوجت ونا صغيره وكملت دراستي الجامعيه ولله الحمد
زوجي وقتها يشتغل بقطاع خاص راتبه على قدنا الحمدلله يكفينا ...
ولكن بعد مانقلنا من شقتنا لشقه ثانيه (طلعت مسكونه )انقلبت حياتنا وتغير زوجي صار مره عصبي
وكثير النوووم بشكل مو طبيعي ... ولايطلع من البيت لدرجة فصل من عمله..
كنا عايشين على راتب حافز...
اصرف على عيالي منه وزوجي راقد مايدري عنا ولاهمه شي..
كنت اذا مرض واحد من عيالي اتصل على ابوي يودينا المستشفى ..وزوجي بسبات عميق
وعلى هالحاله سنه اهلي اللي يودوني ويجيبوني ..
ابوي قال هالرجال مو صاحي اكيد فيه بلا ..
قام ابوي الله يحفظه وجاب اخواني واخوان زوجي وودوه عند شيخ
يوم قرى عليه الشيخ انصرع طلع فيه عين حاسده وتحول الى مس عاشق بسم الله ..
عرفت امه بالسالفه قالت جيبوه عندي وانا اعالجه وهي ساكنه بالجنوب
قلت الحمدلله ارتاح من همه واهله يعالجونه لاني ماقدرت عليه كل ماوداه ابوي عند الشيخ
يشرررد...
بالفعل حجزت له وسافر عندهم وجلس هناك 6شهور ونا جالسه عند اهلي وابوي يصرف علينا
والله ماقصر معي فقير عنده 11نفر يصرف عليهم ربي يرزقه من حيث لايحتسب..
المهم اهله لاهم عالجوه ولا هم يحزنون مشغلينه عندهم سواق يوديهم ويجيبهم وسجلوه بالضمان
ونا وعيالي عند اهلي لايرسل لنا مصروف ولا شي.. امه وخواته زنو على راسي اسافر عندهم اذا عجبني الوضع اسكن معاهم واذا لا خلاص..
سافرت وجلست معهم شهر كان اسوأ ايام حياتي الله لا يعيدها..عيالي مرضو ونا مرضت وهم ساكنين بقريه لامستشفيات ولا شي وبيتهم ضيق ( ومسكون بعد وشفت بعيني ) واخوانه ساكنين هناك ماشاء الله 16نفر مافي خصوصيه ...
وخواته وعيالهم حوووووسه..جاني اكتئاب ونفسيتي تعبت ...بعد جهد جهيد رجعت عند اهلي امه موراضيه انه يسافر تبغاه عندها وحنا مافكرت فينا تعذبنا وتبهذلنا..
سافرنا وسافر معي وجلس معي شهرين وزنة على راسه لين سافر عندها وتركنا انا وعيالي عند اهلي
على اساس بيطلع المقطوعه من الضمان يأثث لنا بيت وبعدها يدور على وظيفه
المهم جلس عندهم 8شهور ونا صابره عليه وامه كل يوم تقول له عندي لك وظيفه بنوظفك راتبها 8000
تضحك على عقله وهو يصدق اي شي يصدقه بالله مين بيوظف صاحب شهادة ابتدائي براتب 8000...؟؟؟
راتب الضمان ياكلونه يلعبون عليه
والمقطوعه نزلت واكلوها ولابقى معاه ولا هلله
طفش قال خلاص برجع عند عيالي عيت عليه امه
ماخلته يرجع بالغصب سافر حتى انحاش وهي ماتدري..
واللحين لمن يستلم الضمان نستأجر شقه مفروشه لمن يخلص ارجع عند اهلي
وعلى هالحاله ...اللحين امه تبيه يرجع عندها لقت له وظيفه جديده تقول الراتب 7000 ههههه استغفرالله مادري اضحك ولا أبكي على حظي...يعني مالقت الا زوجي عندها 16ولد غيره وش تبي فيه
عيالها الثانين متأهلين مع حريمهم ماقالت لهم تعالوا عندي...!!!!
مادري شلون اتصرف معاه يصدق اي شي...
ويمشونه على كيفهم وياكلون حلاله واذا احتاج عليهم والله مايعطونه ولا ريال...
انصحوني بارك الله فيكم...
.,[d>> ,Higi
2013 - 2014 - 2015 - 2016
.,[d>> ,Higi 2013 2014 2015
|
05-24-2016, 01:25 PM
شكر
اعجاب
العرض الشجري