تعقيب للمره الاولى انا زوجة وأم ووقعت في الحرام وعايزة الحل أرجوكم 2013 2014 2015
- - - - - - -
www.dream-cafeh.net
- - - - - - -
تعقيب للمره الاولى انا زوجة وأم ووقعت في الحرام وعايزة الحل أرجوكم
حصريا على دريم كافيه
2013 - 2014 - 2015 - 2016
http://forum.z4ar.com/f116/t321567-2.html بشكر كل اللي نصحني و دا شكر واجب كان لازم أقدم إحترامي للناس اللي نصحتني بقلب صافي أما اللي إنتهج نهج "التوبيخ" وعامل وصي على البشر فلا شكر لهم مع العلم إني أتقبل القسوة إن كانت لغرض النصح وكذلك لهم كل الشكر آه نزوة - هتسموها بمسميات تانية...
http://forum.z4ar.com/f116/t321567-2.html
بشكر كل اللي نصحني و دا شكر واجب كان لازم أقدم إحترامي للناس اللي نصحتني بقلب صافي
أما اللي إنتهج نهج "التوبيخ" وعامل وصي على البشر فلا شكر لهم
مع العلم إني أتقبل القسوة إن كانت لغرض النصح وكذلك لهم كل الشكر
آه نزوة - هتسموها بمسميات تانية براحتكم - أنا شيفاها في النهاية نزوة -
لإنها غلطة ناتجة عن مشاعر مؤقتة ومشاعر مش ممكن تهدى لوحدها بدون اشباع
دي حاجة أساسية لأي كآئن حي "طبيعي" لا يمكن تجاهلها ولا بتروح من الرياضة ولا بنروح من الصيام ولا فيه أي علاج ليها إلا ممارستها
وأظن ذكرت إني محتاجة النصيحة مش الشتيمة
أنا لما كتبت المشكلة كتبتها اولا من باب الفضفضة لإني حاسة بهم
ثانيا من باب الإستشارة لإني عندي مشكلة لا يمكن التصريح بيها لأي حد يعرفني
بالإضافة لإقراري أنها غلطة و قلت عايزة أتوقف عنها مش أستمر فيها
فمفيش داعي للمزايدات
ولما سألت بابا عن الرجم لإني بعد ماقريت ردودكم قرأت عن الرجم في النت وسألت بابا هل الإسلام فيه حاجة بالشكل دا ؟
قالي بتسألي ليه ؟ قلتله قريت وشوفت كليبات عن رجم بشعة جدا وحبيت أتأكد لإني مكنتش متخيلة ان دا حقيقي وبيعملوه فعلا
قالي الإسلام مفهوش حاجة بالشكل دا دا كلام فقهاء وبشروط تخلي تنفيذه خيالي
المهم إنه وسط كلامه قالي اللي يغلط غلطة بالشكل دا ميفضحش نفسه ويتوب من سكات
و تكلم عن امراض ربنا بيعاقب بيها اللي بيغلط بدون مايتوب وذكرلي أمراض خطيرة مابتظهرش الا بعد سنبن وكلام كتير
المهم
مشكلتي طرحتها مش عشان خايفة من فضيحة
متمسكش عليا أي شيء وأنا متأكدة من اللي بقوله
و الحجات اللي بيطلبها "بيلمح لها" مابيطلبهاش بشكل ممكن أسميه إبتزاز مثلا
و لإنها ممكن تتمسك كدليل تمييز ليه عن غيره "بتتركن بكل بساطة"
وبالمناسبة اللي بدأ في التقارب كان هوا مش أنا
ورغم شعوري الداخلي لكن مش ممكن بسمح لموظف يتمادى , بس دا ضعفت أدامه
وطبعا محصلش من اول تقارب تدرجنا لفترة لما وصلنا للغلط
وأنا ذكرت إن جوازي من جوزي كان بإجبار من والدي وجوزي مش شريك ولا شيء
الحكاية إني وحيدة وماما ماتت وأنا طفلة و بابا مش واثق في عمامي و جوزني للمستشار القانوني الخاص بيه لإنه واثق فيه
وقالي دا هيحافظ عليكي لو جوزتك شاب صغير مش هيقدر يحميكي منهم بالإضافة لإنه مش واثق في تصرفاتي وخايف أضيع أملاكه
وشايف إن جوزي أمين و واثق فيه جدا - وهوا من ناحية أمين فهوا أمين بس كبير
وهوا كان متزوج لمدة 12 سنة بس مراته مكنتش بتخلف وإنفصلوا وبعد سنوات من الإنفصال بابا جوزني ليه بالشكل دا
هل أنا محولتش معاه يغير نفسه ؟
أديلنا متجوزين 3 سنين خلال المدة دي حاولت فيه ينزل وزنه ويعمل رياضة كل يوم بقوله إطلع إجري شوية يقولي مش فاضي للكلام دا
طلبت منه يروح لدكتور تجميل يعمل ليزك ويستغني عن النضارة ويصبغ شعره
يعمل ليزر للجلد ويعمل تقشير وشد وتكسير دهون وبييض أسنان
جسمه مليان علامات تمدد جلد وتصبغات لونها بني بالإضافة للترهلات والدهون والسيلوليت
يعني أفتكر دا عايزله جلسات ونظام غذائي لمدة سنتين تلاتة على مايبتدي يتحسن شوية
كل ماكلمه في الموضوع دا يضحك ويتريق عليا
لما مريت بالحمل أنا كنت محتاجة أروح لعيادة التجميل بعد الولادة وطلبت منه يجي معايا عشان نعمل الجلسات مع بعض
قالي تروحي فين إنتي مش مريضة عشان تروحي عيادة ما كل الدنيا بتولد محدش بيجري على العيادات ليه !
قلتله لو إنتا مش عايز تروح إنتا حر بنفسك أنا عن نفسي هعيش حياتي مش هعيش سنك قال ولا أنا هعيش سنك
خلال 4 شهور عالجت كل آثار الحمل وهوا زي ماهوا وكل ما أجي رايحة الجلسة
يقولي إنتي بتعملي كدا عشان مين أنا مش شايف إنك المفروض تروحي لعيادات وتعملي جلسات وشغلانة , دا كله ليه ؟
إكتشفت من النقاش دا السبب اللي مخليه مش حابب يغير من نفسه
هوا شايف إن دي مش أمراض و حجات مش محتاجة تتغير وبناءً على كدا عمره ماهيغيرها
أنا أتعب نفسي أكتر من كدا ليه ؟
دا أنا مصرحتوش إنه كمان كزوج مش مكفيني
مهو حاجة من إتنين يا أنكد نفسي عشان أقنعه إني مش حابة مظهره , يا أنا أبقى زيه ويسحبني من سني و آلاقي نفسي كبرت 25 سنة
بالإضافة إني حاسة إنه بيكره إني ألبس و أطلع وأعيش حياتي زي اللي في سني وكل ما أجي اطلع مع صحباتي يتخانق معايا على اللبس وعلى البنات اللي بخرج معاهم
" اللي هما صحباتي من قبل ماعرفه"
وكل ماكلمه عن أي شيء يغيره فنفسه يقولي إفهمي من فضلك أنا آخري أستحمى بصابون كل يوم الصبح
أنا بروح الشغل وبروح النادي وبروح الجيم وشايفة الشباب أدامي فكل مكان بروحه وحاسة بنقص فظيع مش ممكن هحبس نفسي عشان خاطر واحد مش حاسس بأي حاجة
هوا طيب بس ينفع أب مش زوج
بنتي عمرها سنتين ومتعلقة بوالدها جدا جدا وهوا كمان بيحبها بجنون لإنه فترة طويلة كان محروم من الأطفال وبابا مش قابل خالص مسألة الطلاق
أنا مش عايزة أأذيهم عشان رغباتي بس كمان مش عارفة أسيطر على نفسي
والفصل أنا مقدرش أطلب أي طلب متعلق بفصل الأقسام , مش ممكن والدي هيقبل شيء كدا ولا هياخد طلبي بجدية ولا يمكن ينفذه أساسا
وهيا كفكرة مش سليمة خالص بالذات في الوقت دا العين علينا
البلد حاليا علمانية بشدة وأي ملاحظة بالشكل دا عن الشركة مش هتكون ليها نتائج إيجابية على كل شغلنا مش بس الشركة
أفتكر لو قلت لبابا حاجة كدا هيشدد عليا أكتر مهو عامل حاليا , مش هينفع خالص الكلام دا
أعتبروها فضفضة , بس حبيت أوضح إني لما كتبت الموضوع كتبته
لإني كنت محتاجة نصيحة
مش لإني خايفة من فضيحة
ولا لأي سبب غير شعوري الداخلي
جايز حد يدعيلي دعوة تريحني
أو يديني حل واقعي مكنش شيفاه
جايز لما اكتب هرتاح شوية
مش عارفة سبب غير إنه شعور سيء داخلي ومش عايزة أحس بيه تاني
**كل اللي ذكر مش مبررات لإني مش مضطرة أقدم تبرير لأي حد في الأساس
دا توضيح لبعض أسباب المشكلة مش أكتر
hkh .,[m ,Hl ,,ruj td hgpvhl ,uhd.m hgpg Hv[,;l
2013 - 2014 - 2015 - 2016
jurdf gglvi hgh,gn hkh .,[m ,Hl ,,ruj td hgpvhl ,uhd.m hgpg Hv[,;l 2013 2014 2015
|
07-17-2014, 04:40 AM
شكر
اعجاب
العرض الشجري