.gif)
فانوس رمضان لوعندك كرتونه كل عام والجميع بخير
- - - - - - -
www.dream-cafeh.net
- - - - - - -
السلام عليكم ورحمه الله وبركاته
انا عملت الفانوس وياريت يعجبكم يا ليديز بصوا هي الصور مش كامله معاي لاني متخيلتش انه حيكمل كنت فاكره انه كده ومش حيكمل بس
الحمد لله ولاني في الغربه ومافيش فوانيس كبيره ومابتحسيش الفرحه فموضوعي ينفع اسره عايزه تحس بفرحه رمضان في الغربه وينفع لو حد عايز يوفر فلوس الفانوس برضه المهم نبدأ
اول حاجه حاتحتاجي في الادوات
1- مقص ولزق سلوتيب كبير عريض
2-مسطره وقلم جاف
3-عدد 2 كرتونه يكونوا شبه بعض نفس المقاسات
4-لو عندك رش اسبراي لون مدهب انا ماعنديش وكملت بالوان مائيه كانت عندي
5- ورق سلوفان ملون ما كنش عندي برضه فحطيت كياس بلاستيك عندي
6-دويل كهرباء وسلك كهرباء والفيشه ومفك صغير ولمبه
لو عايشه في الخليج حتلاقيهم في الجمعيات ركن الكهرباء ولوعايشه في مصر من اي كهربائي
الخطوات :
1-هاتي الكرتونتين وشوفي اطول جزء مربع فيهم واقطعيهم بالمقص او القطر حيبقي عندك 4 اجزاء كبار واربعه صغيرين حلو كده اركني الصغيرين وخلينا في الكبار ماشي
المهم زي الصوره دي كده خططي بالمسطره والقام الجاف مساحه في الوسط زي ماهوه واضح في الصوره
وده حنقطعه علشان يبقي الفانوس منور كده في الشقه ونقطعه بالشكل ده الاربع اجزاء الكبار
المهم حاولي تلزقي الاجزاء مع بعضهم بالسلوتيب العريض من الداخل
حتلاقيهم عملوا مربع مفتوح من فوق وتحت
2- نيجي بقي للمربعات الصغيره هاتي واحد منهم واقفلي الجزء اللي تحت بالسلوتيب برضه من جوه كده فاضل الجزء اللي فوق
3-هاتي التلاته الصغيرين من مربعات الكرتون وتعملي ايه بقي خليكي اقتصاديه كده وصحصحي معايا تاخدي مقاس العرض للفانوس من فوق وتعملي
مثلث متساوي الاضلاع انا عن نفسي التلاته كفوا اربع مثلثات حلوين
4- تلزقيهم مع بعض بالسلوتيب من جوه وحيبقوا شبه كده
بصي بقي انا حاولت اغطيهم بورق الهدايا معرفتش فاغطيتها بالوان مائيه كانت عندي من الاول قولت السنه الجايه اجيب اسبراي واسمه تجديد
5-تلوني كويس الفانوس من الجوانب ومن الداخل حلو كده زي الصوره كده
- هنا بقي جبت دويل الكهرباء وفتحته من تحت حتلاقي 3 مسامير علامه+من تحت او اتنين لو في مصر المهم فتحته وركبت اطراف سلك الكهرباء من جوه في مسامير من جوه بتقفل علي كل طرف من السلك تقفلي عليهم بالمفك كويس وثبتيهم بعيد عن بعض متخليهمش قريبين ليعملوا قفله هههههههه
المهم اقفلي الدويل ونفس الحكايه من الطرف التاني تكرريها ولو عندك كهربائي جنب البيت خليه يعملهالك او زوجك او اخوكي لو مش عارفه ولو لوحدك ومش عارفه تتصرفي اسالي وانا احاول اوضح اكتر اللي معرفتش اوصله من معلومات المهم بقي انك تكوني مركبه الدويل من جوه الفانوس الاول وتمدي السللك بره
انت حره تركبيه من تحت في قاعده الفانوس او فوق انا عن نفسي ركبته تحت زي ما في الصوره اللي فوق
7-تركبي الورق السلوفان اواكياس بلاستيك زيييييي كده انا عارفه انها فضيحه بس ما عرفتش اتصرف غير كده وهيا مش فارقه معانا في البيت اهم حاجه ان فيه فانوس وحاسين شويه اننا في رمضان في مصر
دي اخر صور للفانوس يارب الموضوع يكون عجبكم واسمع تعليقاتكم وان شااااااء الله اكون افدتكم
والسلام عليكم ورحمه الله وبركاته
thk,s vlqhk g,uk]; ;vj,ki ;g uhl ,hg[ldu fodv
|
07-22-2012, 10:25 AM
العرض الشجري