اجهض حملي ولا شسوي؟! ساعدوني 2013 2014 2015
- - - - - - -
www.dream-cafeh.net
- - - - - - -
اجهض حملي ولا شسوي؟! ساعدوني
حصريا على دريم كافيه
2013 - 2014 - 2015 - 2016
بسم الله الرحمن الرحيم السلام عليكم ورحمة الله اسأل الله الفرج لكل مهموم والشفاء لكل مريض والرزق لكل محتاج وأخص بالدعاء من يقرأ مشكلتي ويشاركني همي ... اخواني اخواتي والله ماادري من وين ابدأ ولاادري كيف اختصر المشكلة والتفاصيل مهمه تزوجت منذ 7 اشهر بعد طول انتظار وكان زواجي سريعاً خطوبه...
بسم الله الرحمن الرحيم
السلام عليكم ورحمة الله
اسأل الله الفرج لكل مهموم والشفاء لكل مريض والرزق لكل محتاج وأخص بالدعاء من
يقرأ مشكلتي ويشاركني همي ...
اخواني اخواتي والله ماادري من وين ابدأ ولاادري كيف اختصر المشكلة والتفاصيل مهمه
تزوجت منذ 7 اشهر بعد طول انتظار وكان زواجي سريعاً خطوبه وزواج في أقل من شهرين
وكانت فرحتي بهذا الرجل لاتوصف ونذرت بيني وبين ربي أن أقدم له كل شيء وأطيعه في كل
ما أمر الله به ،،،
لم نسأل عن عائلته ولا عنه كثيراً للأسف المهم انا الآن حامل بمولودي الأول واللي ماقدرت افرح فيه
بسبب اني زوجة مهجورة على حافة طلاق وبلا ذنب أقسم بالله حسبي الله على من ظلمني
استأذننا والد زوجي عند العقد أن نسكن في شقة مؤقته في بيت العائله مراعاة
لظروف الزوج في بداية الزواج ووافقنا مع أننا اشترطنا شقه مستقله في العقد
المهم دخلت بيت زوجي لم اكترث لأي نقص فيه واعتقدت ان والدته ستكون والدتي وان هذا
الرجل فرحان فيني مثل ماأنا فرحانه ولكن هيهات هيهات .. اول مافعله معي الغى سفرة شهر العسل !
بحجة الديون _مع العلم ان والدي اللي سوى العرس بكل تكاليفه_ وتضايقت وحاولت فيه انه
يكون لو اسبوع ، لأنني عانيت من غياب زوجي عني من ليلة العرس وذهابه لأخوانه وامه
فحبيت ننفرد مع بعضنا ولو اسبوع
واستمر كذلك فلم اشعر بأني تزوجت يحطني عند اهلي ويروح لاهله كل يوم !
ولم يقترب مني ابداً حتى صارحته بعد فتره (خفت يكون مريض او شاذ)
المهم لاحظت ان زوجي مايشك خيط بأبره الا بشور أمه وتتدخل حتى وين نسكن وماذا نأكل وكيف نمضي
وقتنا .. ولاحظت ان اهله عامة يتعاملون معه على انه طفل! المهم قلت بامنحه الثقه واصنع منه رجل
بعد اسبوعين سافرنا لمكان السكن ودخلت بيتي ورجعو والديه من السفر
وبدأت معاناتي زوجي طول الوقت تحت عند اهله ويطلب مني اني اخدمهم واجلس مع امه
طول الوقت حاولت ارضيه ببعض الاشياء ولكن اكثر ماكان يؤلمني هو تسلطها علي
وتدخلها في كل شي في حياتي وطولة لسانها ولسان بناتها معاي في الطالع والنازله
مجرد ماأحاول احكي له اللي يصير معاي عندهم يبدأ يصرخ ويسبني ويتهمني
كذباً بأشياء لم تحصل وكنت اتفاجأ واخاف واظطر اسكت
ولكن الامر زاد عن حده اكتشفت ان زوجي يخبر اهله بكل صغيره وكبيره تصير بيني وبينه
وكل ماجيتهم يبدأون يحاسبوني ويسبوني ويحاولون اذلالي
صارت امه وخواته يحرضونه علي ويشككونه في اخلاقي !!!
ويقولون له اني مااحترمه واني مااعتبره رجال ...الخ
وزوجي ضعيف الشخصيه يصدق، وصارو يسلطون علي حريم اخوانهم
بنقل الكلام والفتنه بيني وبينه طبعاً زوجي كان يشيل في نفسه ويجي يغلط علي
بدون مايقولي وش السبب مع الوقت عرفت
مره طاح جوال زوجي بيدي ولقيت محادثاته مع خواته ي الله قد ايش كانت مؤلمه
كل شي يسألهم عنه حتى لما ارسل له كلام يخليهم هم يردون علي ..
يعلمونه عن خططهم مع حريم اخوانهم علي ويجلس يضحك
ويقول صح عليكم !! وطحت على محادثه ثانيه يشتكي مني ويسبني عند
زوج اخته ويكذب يقول انه يعطيني ويسويلي وانه مايبين بعيني وكلام كثير
نزل على قلبي مثل النار قتلني .. طبعاً لاحظت انه اخته كانت متهاوشه مع زوجها ويحاول يصالحها عليه
طيب يصالحهم على حسابي؟! عشان يمدح اخته يسبني؟! يشوه سمعتي عند انسان غريب
حاولت اتجاهل هذا الموقف .. بدأ هو وامه يمنعوني ازور اهلي !!
وصار كل مااختلفنا على شي نزل ينام عند امه اسبوع او اكثر ولايطل علي
مع العلم يكون هو الغلطان بسبب كلام سمعه من امه وخواته او حريم اخوانه
........ الى مره تكلمت امه علي قدامه ( وانا عمري مااشتكيت له من امه ) المهم طلعنا من عندها
قام يحاول يستفزني بالكلام لحد ماتكلمت قلت ماله داعي تقول لخالتي كل شي
مدام تعرف ان هالاشياء تضايقها ...قال: لا ماتضايقت من قال ؟! قلت وشلون من قال واللي صار قدامك
قال: كذابه امي ماقالت لك شي !!! قلت الا قالت كذا وكذا وانت واقف وسمعت
لعلمك مو اول مره خالتي تغلط علي .. وقام بسم الله يصرخ زي المجنون ويلعني ويسبني
ويسب اهلي ويقول انتي المفروض انك نعال في رجل امي تخدمينها وتغسلين ملابسها
انا استاهل اللي اكرمتك واحترمتك ماعلمتك قيمتك !! الحرمه بدالها حرمه والله يستر عليك
ونزلني عند اهلي .. رجعت للبيت بعد ثلاث ساعات اتصلت عليه اسأله عن مفتاح
الباب رجع يسبني ويغلط علي شلت اغراضي ورحت بيت اهلي
وهذا هو هاجرني من ثلاث شهور مع انه عرف اني طلعت حامل
جا قبل اسبوعين مع ابوه وقام ابوه يقول لاهلي العاقله ماتطلع من بيت زوجها
وليش تزعل كل هذي تفاهات الحرمه الطيبه تصبر!
المهم اخواني ماقصروا فيه وفي ولده وقالو لهم خلاص بنتنا ماترجع الا
على شقه مستقله قام زعل ابوه وقال ليه وش فيها شقتها ؟!!
على فكره هي جناح تقريباً مو شقه وفي بيت اهله لا مستقله ولاشي
بس لي مطبخي المستقل
المهم اتفقوا على انه يجي الاسبوع الجاي يتفقون على كل شي
الاسبوع الجاي اللي بعده اللي بعده اهلي يتصلون عليه مايرد !!
نفسيتي تعبانه جداً وماادري وش مصيري ووش مصير ولدي :aa24:
h[iq plgd ,gh as,d?! shu],kd
2013 - 2014 - 2015 - 2016
h[iq plgd ,gh as,d?! shu],kd 2013 2014 2015
|
04-02-2017, 08:01 AM
شكر
اعجاب
العرض الشجري