ليتك قبل لآتفارق طحت من عيني ,,:"(
- - - - - - -
www.dream-cafeh.net
- - - - - - -
ليتك قبل لآتفارق طحت من عيني
عشان لامن نسيت .. انساك بالمرّه
لكنك اقرب لـ ( دمي ) من شراييني
وغلاك له في ضلوعي كرّه وفرّه
اصارحك .. لان مايعنيك يعنيني
واعاتبك .. وانت لعيون الغلا قرّه
خابرك مهما افترقنا ما انت ناسيني
وانا اتذكرك فاللحظه 100 مرّه
اسمك لحاله عن اللي جاي مغنيني
منقوش فالقلب نقش ٍ في صفا الحرّه
الله يسامح خطاك ولايخليني
ان كان الاحساس ماعندك منه ذرّه !
وشلون ياللي مصافيني / تجافيني
عزالله ان الليال السود مفترّه
لكن وش اقول والا ويش في يديني
مدام عهد المواليف انكشف سرّه
من ضيقة الصدر فيني ما يكفيني
تعيّن ! زرار ثوبي يالله ازرّه
ان كان ماجيتني يابهجة سنيني
غديت مثل الشهيد محمد الدرّه
ما أظن تبقى عناويني عناويني
يموت فيّ الغرام بـ ( خيره وشرّه )
مجبور في واقع ٍ ماهوب مرضيني
هذا مصير ٍ عليه النفس مضطرّه
خذ همي وشوقي وجرحي وسكيني
لـ ( عالم ٍ ) ينتظرك .. ودربك يمرّه
شف عاد قلب ٍ قسمته بينك وبيني
عانه تقفّاك .. واقتصّك على الجرّه
الله يوفقك .. والله لايعنيّني
الحب .. ماعاد ابي بحره ولا برّه
لـ فلآح المورقي ,,
اتمنى ان تنال اعجابكم
gdj; rfg gNjthvr 'pj lk udkd <<:"(
|
02-01-2012, 08:09 PM
شكر
اعجاب
العرض الشجري