الدرس الخامس
غرزة الحشو
ومعناها بالإنجليزية
single crochet
ورمزها فى الباترونات إما علامة زائد او علامة إكس
.JPG)
إختصارها في الباترون الكتابي الأمريكي والكندي والياباني: sc
اما في الباترون الأوروبي (البريطاني او الروسي..إلخ) فيسمى double crochet، مع ان double
crochet في الباترون الامريكي هي غرزه أخرى
لذلك وجب الانتباه لنوع الباترون المكتوب، امريكي او بريطاني (امريكي نفس الياباني / بريطاني نفس الروسي)
وإحنا فى هذه الدورة ان شاء الله هنقوم بالشرح على الطريقة الامريكية واليابانيه فى كل الدروس
تعالوا نشوف شرحها بالصور
بعد ماعملنا أول سطر من غرزة السلسلة واللى هيا اساس اى عمل من الكروشيه
السطر التانى هنشتغله النهاردة فى درسنا ده غرزة الحشو
هنفترض ان الباترون قالنا نعمل 10 غرزة سلسلة=ch10
لبداية السطر التانى يجب عمل سلسلة إضافية (تسمى سلسلة الإرتفاع)واللى هتمثل إرتفاع لغرزة الحشو
وللحفــــظ.. قاعدة هااامة
غرزة الحشو= سلسلة ارتفاعها = 1 سلسلة
وسلسلة الإرتفاع او السلسلة الإضافية لا تحسب ضمن العشر سلاسل (بمعنى هيكون عندنا 11 سلسلة =10 سلسلة المذكورين فى الباترون+1سلسلة إضافية لعمل إرتفاع لغرزة الحشو)
.JPG)
كما موضح فى الرسم الغرزة رقم واحد دى غرزة الإرتفاع هنتركها وندخل الإبرة فى السلسلة التانية من الأمام إلى الخلف كما موضح بالسهم فى الرسمه
.JPG)
هنلف الخيط حول الإبرة ونمررها من خلال فتحة تانى سلسلة
.JPG)
هنلاحظ تكون لفتين على الإبرة هنلف االخيط مرة أخرى حول الإبرة ونسحبها من خلال اللفتين الموجودتين على إبرة الكروشية
.JPG)
هتتكون عندنا أول غرزة حشو ولعمل غرزة جديده هندخل الإبرة فى السلسلة رقم 3 ونلف الخيط على الابرة ونسحبه من السلسلة رقم 3 ونلف الخيط مرة اخرى ونسحببه من السلسلة رقم 3 ومن اول غرزة حشو ونكرر العمل حتى نهاية السطر
ولعمل سطر جديد من غرزة
الحشو يجب عمل سلسلة إضافية وتسمى سلسلة لف العمل(turning chain stitch)
وبما إن درسنا هو غرزة
الحشو فإرتفاعها مقدار غرزة سلسلة واحدة فقط وبالطبع كل غرزة لها إرتفاع مختلف وهشوف ده فى الدروس القادمه
وغرزة الأرتفاع هذه لاتحسب ضمن عدد الغرز
بعد عمل سلسلة الارتفاع هنلف العمل لنبدا فى سطر جديد
هنفوت اول سلسلة وندخل الابرة فى تانى لفه (او اول غرزة حشو فى السطر السابق) ونلف الخيط حولل الابره ونسحبها خارج الغرزة ثم نلف الخيط مرة اخرى حول الابرة ونسحبها خارج اللفتين الموجودين على الابرة
ونكرر حتى نهايه السطر وناخد بالنا فى نهايه السطر مانشتغلش غرزة حشو فى سلسلة الارتفاع بتاع السطر السابق
04-24-2017, 05:23 AM
الدرس الخامس:غرزة الحشو single crochet stitch 2013 2014 2015
شكر
اعجاب
العرض العادي
