تعقيب للمره الاولى فضفضه شاب 2013 2014 2015
- - - - - - -
www.dream-cafeh.net
- - - - - - -
تعقيب للمره الاولى فضفضه شاب
حصريا على دريم كافيه
2013 - 2014 - 2015 - 2016
رابط المشكلة http://forum.z4ar.com/f116/t322527.html اشكر كل من كتب لي ونصحني والله يجزاكم الف خير بس احب اوضح لكم كم نقطه اولها انا اقول ل الاخوان اللي يتسرعون بالحكم علي في واحد يقولي اشتغل اي شغل حتى لوسائق تكسي ولا محل خضار اناكتبت بموضوعي السابق اني عايش مخاااااالف يعني ماعندي هويه...
رابط المشكلة
http://forum.z4ar.com/f116/t322527.html
اشكر كل من كتب لي ونصحني والله يجزاكم الف خير بس احب اوضح لكم كم نقطه اولها انا اقول ل الاخوان اللي يتسرعون بالحكم علي في واحد يقولي اشتغل اي شغل حتى لوسائق تكسي ولا محل خضار اناكتبت بموضوعي السابق اني عايش مخاااااالف يعني ماعندي هويه ومافي احديشغل احدبدون هويه ﻻن اذاصادوني عنده بيغرمونه غرامه قويه وانابأكل تبن
اناأشوف بعيني كيف يخافون يشغلون المجهولين وعمي يقولي نفس الكلام
ثانيا اناالحمدلله شاب اصلي وبفضل الله اناملتزم ولاعندي مشاكل مع احد واناطلعت من بيت اهلي ﻻن الظروف اجبرتني اطلع ولااقدر ارجع عنداهلي ظروفي صعبه خلوهاعلى الله
ثالثا انامتعقد من وجهي وجسمي وشكلي موﻻني اطالع بالمرايه ولاماأثق بنفسي انتوا ماشفتوا وجهي اذاشفتوني بتفهمون كلامي اناشنبي خفيييف ماتقدر تشوفه الا اذاقربت مني ولحيتي خفيفه ومقطعه وراسي صغيروملامحي طفوليه وحجمي صغير ولبسي مقاس ولادي والناس ماترحم يوم كنت اشتغل في شركةيسموني الولد كل مارحت وجيت ينادوني ياولد ولايثقون فيني ولا يعتمدون علي ويطنشوني وانا احاول اثبت لهم جدارتي وتفوقي واهتمامي بالعمل واذا قلت كلمة اوفي واذا وعدت ما اخلف بس مافي فايده لازلت طفل بنظرهم ويعاملوني كطفل وحتى يوم سافرت وجيت لهالبلد الناس يسموني الولد ولايعطوني وجه ولايعبروني والناس دايم يوصوني كاني اصغر واحد عندهم للاسف الناس ماتحترمني ولايعطوني عمري وياخذوني مهزلة ويتحدون بعض اذا جاءاحد جديد يسألونه كم عمري حتى عمي اذاوصاني اروح اشتري له دخان يقولي جرب ممكن مايبيعون لك بيقولون ابزر اثباتك واثبت ان عمرك +18
اما الوزن ما أظن اني بسمن انامااكل كثير ﻻني ماابي عمي يحس اني عاله عليه واخسره هو على قد حاله واذا طبخوا يطبخون بالمعقول وانا اقلل في الاكل عشان لايحسون فيني وغير كذا نفسيتي تعبااانه ولا لي نفس اكل
اما المثل اللي يقول الرجال مخابر مو مناظر هذا كذذذذذب ﻻني شفت وعشت العكس الناس يهمها المنظر ويغترون بالمظاهر اخواني انا سالتكم بخصوص العاده وطرق التخلص منها اما شكلي وحجمي وظروفي انا ما اقول غير الحمد لله على كل حال واتمنى تدعون لي وتعلموني كيف اقلع عن العاده واتركها اخاف اموت وانا ماتبت من هالمعصيه
وحبيت افضفض لكم واطلع اللي بقلبي ﻻن الناس ماتحس فيني وتحكم علي بالظاهر ويجرحوني بالكلام والافعال والاعضاء هنا بعد ماقصروا كل واحد قولي سوي وروح وتعال وهو جالس ومايعرف حقيقه الوضع اللي اعيشه واشوفه بعيني او وش يقولون عني الناس وبوجهي وبدون خجل اوكيف يعاملوني ولايعيش اللي اعيشه اما الاخوات اللي يقولون احنا بنات واحنا نعرف ان البنت تحب الرجال اللي شكله صغير انا مريت بمواقف وشفت بعيني وسمعت باذني كيف البنات يحبون الرجال شكله وجسمه رجال مو اخوها الصغير وتستحي تمشي معه ولا تحس انها تمشي مع رجال وتحس انها تمشي مع اخوها الصغير
واخيرا ادعوا لي بالاستقرار وسعة الرزق والهدايه والتوفيق هذا اللي اتمناه منكم ﻻن عمري 30 ولا عندي شي ولازلت ضايع بهالدنيا ووضعي صفر ولا كونت نفسي ولاوقفت على رجولي اصحابي واقاربي اللي بعمري واصغر مني تزوجوا وجاهم عيال وانا الى هاللحظه ما اعرف وش ابي ولا عندي هدف كأني توني متخرج من الابتدائيه ﻻني في بلد لا اعرف لغتهم يعني انا لا اقراء ولا اكتب ولا اتكلم يعني جااااهل ولا اقدر ادرس ﻻني مجهول ومامعي هويه ولا عندي اصحاب ولا اخوان يعني بديت من الصفر ومدري اي طريق اسلك
انا آسف على الاطاله الله يوفق الجميع يارب
tqtqi ahf
2013 - 2014 - 2015 - 2016
jurdf gglvi hgh,gn tqtqi ahf 2013 2014 2015
|
08-01-2014, 09:05 AM
شكر
اعجاب
العرض العادي
